Trinto sesia e Konsilesko vash nacionalune minoritetya ikergya pe ano Palato Srbiya, kova lelape kotar o ministri vash manushikane thay minoritetyengo hakaya thay socialuno dialog Tomislav Žigmanov, konsilesko viceprezidenti. Pe sesia sine vi reprezentya kotar sa e nacionalune konsilya e nacionalune minoritetyengo thay departamentalune themeske organya kola siton kotor e Konsilesko.
Ano piro putardo vakeribe, o Ministri Žigmanov sikavgja o aktivitetija taro Ministeriumi bašo Manušikane thaj Minoritetonge Hakaja thaj Socijalno Dijalogo so si kerdine thaj planirime ko avutnipe ko kotor taro lačharipe pozicija thaj hakaja e membronge taro nacionalno minoritetija. Ov sikavgja kaj o Ministeriumi ka lundjarol kooperacia sa e autoritetencar kola silen zoralo pučipa save si importantno bašo nacionalno minoritetia, thaj kaj ka lundjarol te kerel partnersko relacie e nacionalne konsilencar e nacionalne minoritetenge, sar ini kaj o Ministeriumi sito adreso pala o lačharipe sa e pharipango save si len ande lengi buti si reslo katar e nacionalne konsilura.
Jekh taro ključne teme taro sesia sine konfirmacia taro propozalo bašo nacionalno simbolia thaj bare dive taro nacionalno minoritetia. Motivirime propozalo vash o dive e romane nacionalune minoritetesko, 8-to aprili, Romano Lumako dive thay 5-to Novembri, Lumako dive e Romane qhibyako, sine adoptime yekhglameske.
Prezidenti taro Nacionalno konsilo e Romengo, Dalibor Nakić, prezentirisarda raporto bašo buti e Koordinirime nacionalno konsilencar e nacionalne minoritetenge, kote so o Konsilo e Romengo prezidirisarda ano nakhlo berš.
Sar ini, ano sesia e Konsilesko vash nacionalune minoritetya, yekhgrupune adoptingyola Propozalo vash programi vash alosaripe e lovengo kotar o Budjetisko Fondo vash Nacionalune Minoriteteya, vash savo o love dende kotar o Kanuni vash Budjeti e Republikako Srbiya thaj si 30 milionura dinarja. Akala fondya ka oven alocirime prekal yekh publikuno tenderi kova ka ovel kondicionaluno anketirimo kotar o Ministeriumi, thay kultura azhukerlape te ovel prioritetuno than vash finansipe e programyengo thay proyektyengo.