Pe inicijativa katar Nacionalno Konsilo Romano Nacionalno Minoritetosko thaj Jelena Jovanović, pokrajinako deputato thaj kotor katar o Konsilo, ande opština Nova Crnja ikerdilo kruglo stol e reprezentantoncar katar kompetentne institucije thaj institucije ande akaja komuna.
O reslipe taro kruglo stol sine te buvljaren pe khetane aktivitetija so resle te lačharen o siguripe, integracija thaj arakhibe taro hakaja taro membria tari romani nacionalno komuniteta. Kooperacia maškar e institucie save kerena buti e ulavipnasa e ververutne hakajengo e membrurengo e romane nacionalitetosko thaj e arakhipnasa e publikane ordinosko thaj e paćako e nacionalne konsilenca e nacionalne minoriteturengo si ključno importanca ande supresia e predrasudenqi, ande kreiripe e patjako maškar e dizutne thaj ande zuraripe e haćaripnasko maškar sa e membrura e komunitetosko, thaj konkretne mere sas lačharde ko kidipe aktivitetura save ka den kontribucia te lačharel pes i pozicija e Rromengi save trajin ande teritorija e forosko Nova Crnja ande sa e thana kote sikaven pes majbut trubujimata thaj problemura.
Palo Prezidenti e Komunako Nova Crnja Dragan Daničić, ano mitingo sine vi asistenti prezidento Ana Marija Lekin, šefo e Policiako ano Nova Crnja Nenad Kerleta, reprezentia taro elementarno škola ani Radojevo, Centro vash socijalno buti, Radojevo lokalno komuniteti, sar ini sar reprezentantura e romane jekhinake.
Dalibor Nakić, prezidento e Konsilosko, Ljiljana Mihajlović, direktorka e Kancelariako palo inkluzipe e Romengo katar AP Vojvodina thaj membro e Konsilosko, Željko Radu membro e Ekzekutivno bordosko thaj membro e forosko konsilo forosko Kikinda, thaj o Bajram Morina , generalno sekretari, sas prezento anglal o Nacionalno Konsilo e Romengo.