Vaś te gatisarel pes o Raporto pal-e panź berśa implementaciaqo and-i „Deklaràcia e partnerurenqi andar o Rajutno Balkano pal-i integracia e Rromenqi” (Deklaràcia Poznanesqi), sas kerdo jekh konsultàciaqo kidipe anθ-o Ministèro vaś e Manuśkane thaj Minoritetonqe Xakaja thaj Sociàlo Diàlogo, kote so sine kotor e reprezentanturengo kotar o Komisari vash Protekcia e Egalitetosko, Ministeriumi vash Edukacia, Ministeriumi vash Themesko Administracia thay Lokalno Korkoro-Governipe, Ministeriumi vash Buti, Buti, Veteranura thay Socialune Butya, Ministeriumi vash Sastipe, Nacionaluno Servisi vash Butyaripe, i Asociacia e Sastipaskere Mediatorengo, Nacionalno Konsilo e Romane Nacionalno Minoritetoskoro thaj Evropako Konsilo. Anglal o Ministeriumi bašo manušikane thaj minoritetenge hakaja thaj socijalno dialogo sine po than asistenti ministri Nina Mitić thaj šerutni taro departamenti bašo lačharipe e statusesko e Romengo Sofija Osmanović.
E arakhadipa thaj e rekomendacie katar akava raporto ka oven hasnime te gatisarel pes o Ministerialno kidipe planirimo vash o Septembro 2024 ano Berlin. Raporti si gatisardo ano rami e khetane programesko e Evropaki Uniatar thaj Evropako Konsilo “Romengi Integraciaki Faza III”, savo realizuinol ano Radutno Balkani thaj Turkia.
O programo si fokusirimo pe:
Keren pes e Rromane problemura ande relevantne publikane politike thaj o maripe mamuj o anticiganizmo;
Suporto vash socio-ekonomikani integracia e Romengo thaj barabaripe e Romengo ano kotora e kherengo, edukaciako, butikeripe, sastipe, arakhibe personalune dokumentengo thaj zeleno thaj digitalno tranzicia;
Zuravipe e institucionalno kapacitetosko te lačharel pes o pharipe savenca si e Rroma ando regiono.
Ko mitingo sine kotor taro generalno sekretari Bajram Morina anglal o Nacionalno konsilo e Romengo.