Ande šerutnipe Nacionalne konsilestar po čikat e prezidentova Daliboreja Nakićeja, inćarda maladipe e šerutnenca odborendar Nacionalne konsilestar rromane nacionalne minoritetorestar. Maladipe sas inćardino ando kamipe te ćerelpes bršesko plano bućarimasko Konsilesko pala 2023. brš. Šerutne odborendar majanglal ando khetanimasko bućaripe pire membrurjenca gîndisardine thaj inkaldine e mere thaj aktiviteturja save nakhavena sar kotor pire udžilimasko bućarimako po bršesko nivelo, dićhena thaj araćhena semne institucije thaj aver kotora thaj akterja, varurja sar khetane bućarena lenca, sar vi save rezultaturja ažućarenpes.
Ande avutnimašći vrjama avela ćerdino bršesko plano bućarimasko savo avela andino thaj čačardino po aver palutno bešipe Konsilesko.
